| 多謝大家支持, 竟然咁耐冇寫日記, 都仍然有收視率, 哈哈! 其實, 我可以既, 只不過有些時候, 幾日啦....會是如此難以忘記...一些事.... (令我想起...梁巢位... 的陳年舊歌 - 國語歌.....你是如此的難以忘記, 浮浮沉沉的在我心裡....哈哈哈! ) 今日返少崇, 要帶歌兼主席, 好耐冇同權哥哥拍檔喇! 感覺依然唔錯, 大家夾得到呀 !! (因為以前成日都係同佢拍領詩)。 嘩! 依家史犯好勁喇! 結他技術唔錯, 可以獨力挑大旗, 我想...自己真係要多多學習。 近幾次, 我愈來愈發覺一樣野, 就係音樂小才子都係我一個好好既拍檔, 有佢係度, 會定好多架喎!! 又可以叫佢即時彈琴我聽, 教我唱番好個音! 由開始到依家, 其實我好慘, 冇人會同我練, 因為其他人要夾樂器同埋邊度1+c+s +1+t, 前奏要bom 幾多下, 彈要 'ill~~' 幾耐先入咁.... 唯有音樂才子.... 有名你叫...音樂才子嘛! 都勁啦, 都唔使練太多, 所以佢咪有時間同我執音囉! 嘩哈哈! 呢d 就係佢既長處喇, 佢好{睇}我架! ^.^ ~ (才子睇完, 一定勁笑! ) 仲有, 今日發現左樣野, 就係新一代的語言真係好得意...以前我地都係用 - 超 - 呢個字, 去形容 ' 好好好好...' 例如超好笑, 超正, 超勁…; 慢慢 - 超 - 已經滿足唔到佢地, 要用- 勁 -, 例如勁好笑, 勁正, 勁勁; 再唔夠, 就用 - 超勁正, 超勁好笑 - …. 依家…已經去到白熱化的階段....... 好---爆---正!! 好正都唔夠, 一定要 - 爆 - 唔知, 到遲一排, 會唔會有 '超勁爆好笑' 的出現呢? 仲有, 咩係12 '鯪' 點?? 聽到即時呆左… 唔係 12 點 '鯪' 咩? 咁都得! 真係笑爆咀! 原來我都係現代人…. - 爆 - 呢個字我都識用! 哈哈~ 同以樂玩, 真係幾多搞笑野出現, 檸檬茶事件都已經係今日一絕! ~~ 點解 '涼涼地' 既..? ~~ |
